ਸਹੁੰ ਚੁੱਕ ਸਮਾਗਮ ਕਰਕੇ ਮਨਾਇਆ ਬਾਲ ਮਜ਼ਦੂਰੀ ਖਿਲਾਫ਼ ਦਿਵਸ

*15 ਤੋਂ 21 ਜੂਨ ਤੱਕ ਮਨਾਇਆ ਜਾਵੇਗਾ ਬਾਲ ਮਜ਼ਦੂਰੀ ਖ਼ਾਤਮਾ ਹਫ਼ਤਾ

 ਜਲੰਧਰ, 12 ਜੂਨ 2015(ਸ਼ੈਲੀ)-ਕਿਰਤ ਵਿਭਾਗ ਅਤੇ ਸਮਾਜਿਕ ਸੁਰੱਖਿਆ ਅਤੇ ਇਸਤਰੀ ਤੇ ਬਾਲ ਵਿਕਾਸ ਵਿਭਾਗ ਪੰਜਾਬ ਦੇ ਆਈ. ਸੀ. ਪੀ. ਐਸ ਸਕੀਮ ਸਟਾਫ ਵੱਲੋਂ ਬਾਲ ਮਜ਼ਦੂਰੀ ਖਿਲਾਫ਼ ਦਿਵਸ ਸਹੁੰ ਚੁੱਕ ਸਮਾਗਮ ਕਰਕੇ ਸਾਂਝੇ ਤੌਰ 'ਤੇ ਦਫ਼ਤਰ ਕਿਰਤ ਕਮਿਸ਼ਨਰ ਜਲੰਧਰ ਵਿਖੇ ਮਨਾਇਆ ਗਿਆ। ਇਸ ਮੌਕੇ ਸ੍ਰ.ਸੁਖਜਿੰਦਰ ਸਿੰਘ ਸਹਾਇਕ ਕਿਰਤ ਕਮਿਸ਼ਨਰ, ਸ੍ਰੀ ਪ੍ਰਦੀਪ ਕੁਮਾਰ ਕਿਰਤ ਅਤੇ ਸੁਲਾਹ ਅਫਸਰ ਅਤੇ ਸ੍ਰੀ ਗੁਰਪ੍ਰੀਤ ਸਿੰਘ ਸੋਢੀ ਜ਼ਿਲ੍ਹਾ ਚਾਈਲਡ ਪ੍ਰੋਗਰਾਮ ਅਸਫਰ, ਮੈਡਮ ਰੀਨਾ ਉਪਲ ਸੁਪਰਡੈਂਟ ਚਿਲਡਰਨ ਹੋਮ, ਸ੍ਰੀ ਸੰਦੀਪ ਕੁਮਾਰ ਲੀਗਲ ਅਫਸਰ, ਸ੍ਰੀ ਬਲਵਿੰਦਰ ਸਿੰਘ, ਚੌਧਰੀ ਸ੍ਰੀ ਪ੍ਰਦੀਪ , ਸ੍ਰੀ ਕੁੰਵਰ ਡਾਬਰ ਲੇਬਰ ਇੰਸਪੈਕਟਰ ਅਤੇ ਸਟਾਫ ਹਾਜ਼ਰ ਸੀ।

ਇਸ ਮੌਕੇ ਸੰਬੋਧਨ ਕਰਦੇ ਹੋਏ ਪ੍ਰੋਜੈਕਟ ਡਾਇਰੈਕਟਰ ਸ. ਇੰਦਰਜੀਤ ਸਿੰਘ ਨੇ ਦੱਸਿਆ ਕਿ  15 ਤੋਂ 21 ਜੂਨ 2015 ਤੱਕ ਬਾਲ ਮਜ਼ਦੂਰੀ ਖਾਤਮਾ ਹਫ਼ਤਾ ਮਨਾਇਆ ਜਾਵੇਗਾ। ਇਸ ਮੌਕੇ ਸਮੂਹ ਸਟਾਫ ਨੂੰ ਪ੍ਰਣ ਦਿਵਾਇਆ ਗਿਆ ਕਿ ਉਹ ਭਵਿੱਖ ਵਿਚ ਬਾਲ ਮਜ਼ਦੂਰੀ ਨੂੰ ਖ਼ਤਮ ਕਰਨ ਲਈ ਉਪਰਾਲੇ ਕਰਨ ਦੇ ਨਾਲ-ਨਾਲ ਖੁਦ ਬੱਚਿਆਂ ਤੋਂ ਘਰ ਜਾਂ ਕਿਸੇ ਹੋਰ ਥਾਂ ਕੰਮ ਨਹੀਂ ਕਰਵਾਉਣਗੇ ਅਤੇ ਨਾ ਹੀ ਕਿਸੇ ਹੋਰ ਨੂੰ ਬੱਚਿਆਂ ਤੋਂ ਕੰਮ ਕਰਵਾਉਣ ਦੇਣਗੇ। ਇਸ ਮੌਕੇ ਚਾਈਲਡ ਲੇਬਰ ਹੈਲਪ ਲਾਈਨ ਨੰਬਰ 0181-2223960 ਬਾਰੇ ਵੀ ਜਾਣੂ ਕਰਵਾਇਆ ਗਿਆ ਅਤੇ ਸ੍ਰੀ ਗੁਰਪੀ੍ਰਤ ਸਿੰਘ ਜ਼ਿਲ੍ਹਾ ਚਾਈਲਡ ਪ੍ਰੋਜੇਕਟ ਅਫਸਰ ਵਲੋਂ ਆਈ.ਸੀ.ਪੀ.ਐਸ.ਸਕੀਮ ਬਾਰੇ ਬੱਚਿਆਂ ਦੀ ਕੇਅਰ ਅਤੇ ਪ੍ਰੋਟੈਕਸ਼ਨ, ਜੇ.ਜੇ.ਐਕਟ ਅਤੇ ਪਾਕਸੋ ਐਕਟ ਬਾਰੇ ਜਾਣਕਾਰੀ ਦਿੱਤੀ। ਇਸ ਮੌਕੇ ਡਾਇਰੈਕਟਰ ਅਤੇ ਜ਼ਿਲ੍ਹਾ ਚਾਈਲਡ ਪ੍ਰੋਜੈਕਟ ਅਫਸਰ ਅਤੇ ਲੇਬਰ ਇੰਸਪੈਕਟਰ ਵਲੋਂ ਵੀ ਸੰਬੋਧਨ ਕੀਤਾ ਗਿਆ ਅਤੇ ਪ੍ਰਦੀਪ ਕੁਮਾਰ ਕਿਰਤ ਅਤੇ ਸੁਲਾਹ ਅਫਸਰ ਵਲੋਂ ਪਹੁੰਚੇ ਹੋਏ ਸੱਜਣਾਂ ਦਾ ਧੰਨਵਾਦ ਕੀਤਾ।

For more news updates visit:- www.punjab24news.com